مأساه حقيقيه ..

عزيزي القارئ :

تأكد حين دخولك إلى دورة المياه من وجود الماء
حتى لا تضطر إلى إستخدام الطاقيه



,

,

حــمـودي .. ومن منا لا يعرف ذلك الطفل البريء الفاغر ...

حــمـودي المحبوب المغلوب على أمره في كل الاوقات وفي جميع الاوقات وذلك لأنه مشكله >>>

وكما قال المثل :

إن كنت تدري فتلك مصيبتن *** وإن كنت لا تدري فأبشرك ما من مصيبه ومسموح

ولتتعرف على بداية حياة حــمـودي أكثر وكيف وصل لهذا الحال الرجاء الدخول لهذا الموضوع ولكن دون رد حتى لا نتعرض انا وانت للكلبشه الأبديه من فضلك

حمودي اللي يمشط شعره على جنب ( مأساه حقيقيه )


,
,

لم يخطر في بال ذلك الغلام>>> ذو الجبهه المفلطحه نسبياً .. الذي كان يلبس ثوب الدفه
ذو اللون الأسود وشعار الدفه خارج خلف الثوب ومقطوع الزرار الأول وذلك الدرنق الرياضي الذي يوجد على جانبيه خطين أحمر وازرق وبينهما خطن أبيض طالع من تحت
الثوب بشكل واضح وصورة السن توب ملصقينها عليه الورعان وراه وهو فاغرن أبله ... ههههههه (بدون زعل) دعابه دعابه


(يوم كان طالب)
خرج من الفصل المشؤوم ولم يكن يعلم بأنه سيبدأ حياه جديده وصراع الثقافات مع مجموعه من الشرذمه يترأسها حتى حلمي ... خرج وما زال الذباب يجري خلفه ؟؟؟ .. ووضع يده على السياج المقابل لباب الفصل وكان فصله في الدور الثاني وتحته فصول سنه ثانيه .. ولسان حاله يقول
( وجد من قفا وهو في رجى كلمة تعال ... وإلتفت من عقب ما أقفى ولحدن لد فيه )
( والمصيبه يوم حس جايته ذيك النعال ... حضّرت في صلعته لعن ابو ذيك الوجيه)



وبينما كان حمودي ينظر للوراعين مر بجانبه طفلان تنبعث من ثيابهم رائحة تايد ومن شعرهم رائحة شامبو جونسون لا دموع بعد اليوم ..

سرح قليلاً وتذكر والدته وهي تروشه
عندما تجمعه مع أخوانه في الحوش وتفتح عليهم خرطوش الماء هههههههههههههه
وتقعد ترشهم كانك تغسل سيارات مهو انسان
وبعدها تأخذ الليفه وتحط عليهم شويه من التراب وتفرك فيهم وهي تقولهم :
والله ما يطلع الوصخ إلا التراب .يافلذات اكبادي ..
ههههههههههههههههههههههههههه
( وهل صار فيها فلذت كبد بعد حركت يا أماااه ).
وبعدها تلفهم ببطانيه وتضعهم في زاوية الحوش بجانب شجيرات الريحان هههههههههههههههههههههههههههههههه
وتقول لهم موصيه : لا أحد يتحرك لين المويه اللي تحته تنشف
( وبسبب هالحركه تبخر العقل لدى حمودي وأصبح دلخاً يحتذى به ) .. هههههههههههههههه


وقطع حبل تفكيره منظر أحد الأطفال
يلعب بشعره مرتن ذات اليمين ومرتن ذات الشمال ..
وشعر بغصه وحرقه في قلبه ورجع بذكرياته لتلك المجزره التي ذهب ضحيتها شعره .. وأنطلق يمشي على إستحياء متجهاً نحو ذلك الطفل
ووقف أمامه وقال بكل براءه ممزوجه بدلاخه :
شعرك حقيقي وإلا كذّيبي .. فأجابه صاحب الشعر فرحاً .. حقيقي ..
فأقترب منه حمودي وعيناه لا تفارق شعر الطفل
وقال بإبتسامه خجل : طيب بلمسه عشان اتأكد ..
ووضع يده عليه وقال بدون شعور :
حظك شعرك حلوووووووو .. ومالس
طيب كيف كيف كيف شعورك إذا كنت تتروش
وحطيت عليه الشمبو وش تحس بالله ..
( وما زالت يداه تلعب في تلك الخصل الناعمه )
فرد عليه ذلك الطفل مبتهجاً :
احس اني قوي .. فأنزل يده عريمط مسرعاً
ليمسح السعبوله المتدليه وقال بغباء فطري :
قل والله .. وقتها لم يرد عليه ذلك الورع ولكن حمودي دخل في عينه وقال :
تصدق .. تصدق حتى انا كنت احس زيّك .. بسسس
وسقطت عندها دمعة ألم ولحقها بطرف كمه مصرفاً:
بسس ابوي حلق لي يقول عشان المعلومه تدخل بسرعه لراسي ..
لكن بقولك شي بس ماتضحك علي ..
انا اتمنى اتمنى اني أغسل راسي بشمبو زيّك .. تدري ليه ..
فنظر إليه الورع بإستغراب وأكمل حمودي ..
عشان الشمبو يدخل فعيني ويحرقني وأقول .. أحححححححح ..
وأقعد اتخبط فالحمام وادور المنفشه ..
أصلا حتى منفشه ماعندي انا اتنفش بملابسي .. ههههههههههههههه دعابه دعابه
وعشان ابغى اذا سألوني صديقيني فالحاره وقالو
ليه عينك حمرا اقول وانا فرحان : دخل الشمبو فعيني ..
قاطعه ذلك الورع : أصلا انا امس دخل الشمبو فعيني
بس ما صارت حمرا ... صارت خضراء من البقس اللي عطاني ابوي .. هههههههههههههههههههههه
يقولي أنت حمار ليه تكثر شمبو والله ما معكم غيره

فقال له حمودي مكملاً حديثه : تدري متى أقول أححححح انا ..
كل ما رحت للحلاق وقام يشخمط فراسي بذاك الموس ويجرحني ..
وانا مع كل جرح اصيح : احح احح اححححح ..



وخرب عليهم جوهم كلمه من ؟؟؟ الذي قال بكل وقاحه
وهو يأشر على حمودي : يععع شوفو اللحجي..
فصرخ عريمط بكل صوته وهو يبكي : لحجي ابوووووووووووك أنت وياه


ولم يكمل كلمته حتى شعر بيد حانيه وضعت على كتفه فألتفت بسرعه
فوجد طالباً أكبر منه يقول له :
ما عليك منهم هذولي هم عيال الضباط شايفين نفسهم ..

فقال له حمودي بكل براءه : كيف يعني وحنا عيال وش .. فضحك ذلك الطالب وقال :
حنا عيال الافراد اللي ماكلينها ابوي وابوك مضدهدين فالدوام من ابهاتهم وهم يرفعون خشومهم علينا .. فشعر حمودي بالاهانه له ولأبوه وقال : لااااااا أنا ابوي مررررره قوي ..هم خوافين ويخلون ابوي دايم يحرسهم طول الليل .. فضحك ذاك الطالب وقال لحمودي وهو يمش خشمه : قصدك خفاره يالدلخ .. المهم ما علينا .. معاك اخوك كريزي من طلاب ثلاث ابتدائي معيد سنتين ويمديني خامس فضحك من كل قلبه حمودي على اسمه وقال في نفسه :
الحمدلله .. الحمدلله يارب لقيت واحد أتشمت فيه ... فقال له كريزي .. وش فيك تضحك انت ووجهك .. قال له حينها حمودي وحاشر ام الضحكه بين براطمه :
لا بس تذكرت واحد اسمه ابودلي وضحكت ..
فرد عليه كريزي : لا يكثر عاد .. انت طيب وش اسمك .. وقتها رفع يده حمودي وقال بصوته العالي : اسمي حمووووودي .. فرد عليه صدى صوته قائلاً : والله وما قالت

وبدأ ينظر للطلاب في الأسفل وجاء بجانبه كريزي وقال : طيب تلعب معاي لعبة السعبوله
فقال له حمودي : خلاااص بس كيف .. فقال له اسمع طيب .. كل واحد يتفل من فوق واللي توصل سعبولته أول للأرض هو الفايز .. فأستانس حمودي للعبه المخنزه ..
وبينما كانو يتجهزون للإنطلاق قام يغش كريزي وباغته مخرجاً السعبوله وكان يتابعها بعينه فرحاً وفجأه حضرت السعبوله على صلعت الأستاذ مدحت ونظر الأستاذ فشاف حمودي ويده تتحسس أثار السعابيل المستخرج من براطم حمودي وقال :

يااااااااااا ابن الإيييييييييييه ... هو انته تاااااني يا أأرع ..
ولكن حمودي ذيبان يارقاله .. سلم رجله للريح وانطلق هارباً إلا دورة المياه مختبأً ..
وهو يلهث ويقول :

ينعننن ابوووووووك ياكريزي الكلب انت ولعبتك اللي مثل اسمك وجهك ألحين وش أسوي
وبينما كان يدعي على كريزي ويتحسر على اليوم اللي شافه فيه سمع صراخ الفرعوني
وهو يقول بكل عصبيه :
هوااااااااااا فيييييييييين أولولي هواااااااااا فييييييييييين

ومن قوة الخوف والخرشه وحمودي في وضع لا يحسد عليه شعر بأعراض المغص والإسهال
فمسك على بطنه وقال وهو يرتجف : هذا وقتك انت الثاني دخيلك أجلها تكفى أخاف يسمع الملعون اللي برى صوت السيفون ويدرعم ..

ولكن لا حياة لمن تنادي وكأن بطنه يعاند بكل جبروت .. ويغني
( حمودي آسف أزعجتك .. ياقلبي وانت فالحمام )


فأستسلم عريمط للأمر الواقع وفعلها ولكن ..!!
عندما سحب خرطوم الماء وجده فارغاً وكأن الحياه لم تدب فيه أبداااا ..
وأمسك به بيده الثنتين وقال له مترجياً :
اكيييييييد تمزح صح الله يخليك قول تمزح واللي يرحم والديك قل غيرها ..
وبدأ يشفط ويشفط ويشفط على أمل خروج ولو قطره ولكن للأسف
.. فخرج له إحدى الصراصير ضاحكا ً :
صدقني منت الأول ولا راح تكون الأخير اللي مر بهالموقف .. لكن تبي الحل ..

ماعندك إلا الطاقيه وانا اخوك ..


( لازم تذوق اللي ذقته ياحمودي وانا نصحتك من البدايه وتستاهل )

,,((يوجد بعض التعديلات والدعابات))
هههههههههههههههههههههه
دعابه دعابه انا نسبت المأساه للعضو حمودي للمعلوميه





محبي الخاصح لكم :

عبــــــــــــــووووووره

,