رٍآضَـيً بُحِگـمٍَ آلحِـبُّ وٍآلحِگـمٍَ لـلّـهُ }●

صبآح\مسآء الورد

أحيان أجامل وأتـرك السـدّ مدفـون
وأضحـك مـا بيـن الخـطّـر المسفهـلّـه

وأحيان أجي مشحون .. وأروح مشحون
وأقـول مـن يعقـد حجـاجـي يفـلّـه

ثــلاث تحكمـنـي ولا قـلـت وش لـــون
المعرفـه .. والعاطفـه .. والجبلّـه

العقـل صاحـي لكـن القلـب مجـنـون
والكـل منهـم نظـرتـه مستقـلّـه !

يـا صاحبـي مـا للمحبـيّـن قـانـون
والحـبّ لـغـز .. ولا عرفـنـا نحـلّـه

قلبـك مثـل قلبـي مكـبّـل ومسـجـون
أحــرار مـيـر قلوبـنـا مستـحـلّـه

عسـى الغـلا لازال بالحفـظ والـصـون
والله يبـيـحـه لا تـغـيّــر مـحـلّــه

أهديتنـي جـمـره عـلـى راس غلـيـون
وأهديتـك مـن العمـر شيحـه وفلّـه

ورغـم إختـلاف المـدّ لا زلـت ممـنـون
والشـوق يآخذنـي علـى كــل مـلّـه

فوّحت دمّـي ليـن صـار أشقـر اللـون
وأخـذت مـن مـجـراه فنـجـال دلّــه

ما غير أغنّي فيـك لـو كنـت مغبـون
يا ملّ قلبي من غرامك يا مـن لّـه !

دايـم ضحايـا العشـق لإجلـه يضحّـون
كم فـاض مـن كثـر الضحايـا سجلّـه

وأنـا غديـت بحكـم فاتـن ومفـتـون
راضـي بحكـم الحـبّ والحكـم لـلّـه

وأن قام يكبر بيننـا شاسـع البـون
أرفـق علـيّ وشاسـع الـبـون قـلّـه

عـز الله أنّ الشـكّ مـاهـوب مـامـون
سيـف الجفـا البتـار يمـكـن يسـلّـه

أقنع لو أنّ الحـال مـن دون فـي دون
وأخـذ الكـلام اللـي عليـه الأدلّـه

لا تشتكـي لـي والعـرب وش يقـولـون
شـكـوا ً لغـيـر الله تـراهـا مـذلّـه

رآقت لي